WOW root cover up

Posted on July 11, 2014 by Hafdís Þorbjörnsdóttir

Color WoW er það heitasta hjá okkur í dag ! 🙂

Color WoW er hárskuggi fyrir þær sem vilja redda sér milli litanna.
Hárskugginn er borin í rótina með meðfylgjandi bursta og aðeins sett þar sem sést mest í rótina eins og í skiptingu og við andlit.
Color WoW fæst í 6 mismunandi litu sem ætti því að henta öllum , Þvæst úr í næsta þvotti og helst vel á allan daginn.
Hárskugginn þekur grá hár og lýsir dökka rót.

Color WoW er því alveg ómissandi í töskuna.

hér fylgir smá myndband með svo þið sjáið hvernig þetta virkar 🙂

Fermingargreiðslurnar í ár

Posted on June 12, 2014 by Hafdís Þorbjörnsdóttir

Þá er fermingarstússið búið og tilvalið að setja inn myndir af þessum fallegu fermingarstelpum sem við greiddum í vor.
Krullur eru enn inn eins og í fyrra en mis miklar sumar með mjög miklar og aðrar með fallega liði.
Mikið var um hárskraut og þá sérstaklega hárbönd 🙂

Hér var hárið túberað og gert fallega hæð, lokkarnir eru svo krossaðir yfir hvorn annan og brjóta fallega upp á greiðsluna.
Hún er með mjúka meðalstóra liði og til að toppa er sett smá skraut.

Birta okkar var með mikla liði og notuðum við Bylgjujárnið góða frá Diva.
Hristi svo vel í krullunum svo þær falli vel saman því næst tek ég 2 lokka sitthvoru megin við skiptingu og flétta þá bara venjulega (ekki fasta)
sný þeim svo saman og tosa þær út og festi eins og ég vil fá þær út svo þar snúist flott upp á hvor aðra.
Birta er með falleg lítil blóm inní fléttunni sinni, best er að nota lítil blóm þegar verið er að gera svona litla fléttu svo hún fái nú að njóta sín 🙂

Glóey er með með meðalstóra liti sem ég dreg svoldið úr með því að tosa aðeins í hárið.
Einnig er hún með fallegt skraut sem hún kom með sem eru blómaspennur sem hún festi á band ótrúlega fallegt og sumarlegt 🙂

Waterfall fléttan klikkar aldrei! Heba okkar er með waterfall fléttu og smáa liði sem ég dró aðeins úr.
Og punkturinn yfir i-ið er auðvitað smá blóm í hárið til að lífga upp á greiðsluna 🙂

Sólbjört okkar vissi alveg hvað hún vildi! Kom með síða þykka hárið sitt , það er ekki leiðinlegt að greiða þessari stúlku.
En hún vildi fá slaufu ásamt því að fá fallega liði í hárið. Slaufan er flott og gerir greiðsluna einstaka.

Sigríður okkar vildi fá mikla liði sem er mjög smart í stíl við blómahárskrautið sem hún gerði sjálf!
Klárar þessar stelpur 😉

Helga Kristín kom í gullfallegum kjól og við vorum alveg dolfallnar yfir þessum fallega kjól
En Helga er með snúningsfléttu sitthvoru megin við skiptingu og nokkra skrautsteina þar sem flétturnar koma saman.
Svo er hún krulluð með meðalstóru járni og er því með fallega mjúka liði.

Svala er með waterfall fléttu sem sameinast við snúningsfléttu, einnig er hún með fallega stóra liði.

Ein skvísa bættist í hópin til okkar í ágúst, með fallega stóra liði og einfalda fléttu yfir.

Þá eru myndirnar af fermingarstelpunum okkar komnar

en ekki má gleyma mömmunum þær verða jú líka að vera gellur.

lág tögl eru mikið inn núna og ennþá flottari ef þau eru lífleg eins og þetta tagl. Hárið er túberað til að gera meiri hæð og krullað til að fá fallega hreyfingu.
Ekki gleyma að fela teygjuna með lokk af hári 🙂

Takk fyrir mig

Hafdís Þ

Nioxin – Diaboost

Posted on March 14, 2014 by Hafdís Þorbjörnsdóttir

Við elskum að fá nýjar vörur!
Þessi þurfti ekki að fá langan prufutíma hjá okkur því við kolféllum fyrir Nioxin Diaboost.

Nioxin hefur sérhæft sig í hári sem þynnist í yfir 25 ár. Þeir huga því sérstaklega að hársverðinum.
Diaboost eykur umfang hvershárs, styrkir hárið og gerir það meðfærilegra og gefur hárinu þéttara útlit.

Flestum þykir mikilvægt að sjá árangur sem fyrst. Með Diaboost sjást áhrif vörunnar um leið og hárið fær þykkara útlit.
Diaboost hentar einstaklega vel þeim sem eru í Nioxin meðferðinni en er einnig góð ein og sér.

Notkun :
Spreyið í rótina þegar hárið er rakt. Ráðlagt er að nota 5-6 úða og spreya nálægt rótinni.
Nuddið hársvörðinn vel í eina mínutu og dreifið efninu vel.
Greiðið í gegn um hárið og blásið.

Að lokum hér er frábært myndband þar sem helmingurinn af hárinu er blásið með Diaboost
Þvílíkur munur 🙂

Fermingagreiðslur

Posted on February 17, 2014 by Hafdís Þorbjörnsdóttir

Nú er þessi skemmtilegi fermingartími komin og nú þurfa táningar að ákveða hvernig hárið á sér á að vera. Til að létta aðeins á fermingarbörnum sem eiga erfitt með að finna réttu greiðsluna þá er ég með nokkrar hugmyndir handa ykkur hér.

Þar sem við tókum þátt í að greiða fyrir tískusýningu sem var sýnd á fermingardögum hjá Blómavali fannst mér tilvalið að setja inn myndir frá því.

hér eru 4 af módelunum okkar glæsileg

Skemmtileg og einföld einföld greiðsla.

Stór flottur laus snúður er líka alltaf klassískur ef maður vill hafa hárið allt upp.

Bylgjur og flétta

Fiskiflétta og liðir, hliðargreiðsla

Mjúkar og stórar Hollywood krullur með fléttu

en auðvitað er hægt að finna ennþá fleiri hugmyndir… hérna eru nokkrar myndir sem mér leist vel á 🙂

Diva Bylgju/krullu járn

Posted on January 28, 2014 by Hafdís Þorbjörnsdóttir

Mig langar svo að segja frá uppáhalds járninu mínu þessa dagana 🙂

Diva Bylgju járnið!

Þetta járn er bæði bylgju og krullujárn.
Ég set myndband neðst svo þið fáið smá hugmynd hvernig það er notað en fyrst ætla ég að sýna nokkrar flottar myndir þar sem notað er bylgjujárnið 🙂

Þessi skvísa er með villtar bylgjur, allt hárið er bylgjað, hrist og greitt með fingrunum og túberað í lokin til að fá villta lookið 🙂

Vinkona mín Dianna Argon er gullfalleg með bylgjur. Hér hefur verið túberað rótin til að fá góða lyftingu eða blásið vel með stórum rúllubursta. Því næst hárið bylgjað mjúklega með því að klemma járninu lauslega 🙂 Næst er það greitt með fingrum eða mjög grófri greiðu. Gott er að nota olíu í lokinn til að fá meiri glans!

Þessi gullfallega stúlka notar sömu tækni og Dianna nema það er greitt vel í gegn með bursta (mæli með Tangle teezer) og dregið aðeins með olíu (t.d Luxe oil frá Wella pro)

Besta vinkona mín Beyonce með miðlungsstórar bylgjur. Þar er byrjað á því að fara mjúklega með bylgjujárnið við rótina 5-10 cm frá rót líka til að forðast að fá ekki of skarpa línu við rót. Svo er klemmt vel svo bylgjurnar verði enn meira áberandi og flottar. Hárið er hrist með fingrunum og notað smá hárkrem (t.d taming frá sebastian) og vola 🙂

Lísa í Undralandi er með sömu aðferð og Beyonce bara grófara Bylgjujárn

Það er einnig hægt að gera rosa flottar greiðslur úr svona bylgjum hér er ein gullfalleg með mjúkar bylgjur

Í lokin ætla ég að láta fylgja myndband með þessu frábæra tæki. Ekki gleyma að nota góða hitavörn! 🙂

https://www.youtube.com/watch?v=CCxcuHJahmY

NÝTT* SP Luxeoil vörulína!

Posted on October 31, 2013 by Hafdís Þorbjörnsdóttir

SP LUXEOIL vörulínan

4-skrefa meðferð sem á léttan en áhrifaríkann hátt byggir upp hárið með áherslu á verndun keratins

Keratin Protect Shampo:

Fyrir létta en mikla lúxushreinsun. Shampo hentar öllu hári og hefur grunn að LuxeOil hárumhirðu með því að hreinsa vel uppsöfnuð efni úr hárinu. Við hreinsun smýgur keratin og panthenol inn í hárið og mynda prótein sem styrkir hárið

Keratin Restore Djúpnæring :

Endurbyggir hárið strax við fyrstu notkun og bætir áferð þess. Djúpnæringin er létt, hentar öllu hári og gefur mikla næringu.

Keratin boost essence:

Leave-in næring sem fer vel inn í hárið til að styrkja keratínið, mýkja og gefa góðan raka.
Eykur áhrif keratin protect shamposins í hárið. Einnig er gott að spreyja því í hár áður en það er klippt.

Val á Olíu:

Möguleiki A: LUXEOIL RECONSTRUCTIVE ELIXR

Einstök efnablanda olíunnar gerir það að verkum að hárið mýkist á aðeins nokkrum sekúndum án þess að vera þungt eða feitt.

Notist í rakt/þurrt hár fyrir mikla næringu og mýkt.
Möguleiki B: LUXEOIL LIGHT OIL KERATIN PROTECT SPRAY

Mjög létt olía, nærir fíngert hár og gerir það geislandi. Léttasta argan olían á markaðnum. Notist í rakt hár fyrir þurrkun og spreyið létt yfir þurrt hár að lokum.

Diamond oil – Redken

Posted on October 28, 2013 by Hafdís Þorbjörnsdóttir

Vorum að taka upp:

NÝJA DIAMOND OIL frá Redken

Óbjótandi styrkur. Marghliða glans.
Olíu-uppbyggð hárvörulína sem er einstök sinnar tegundar fyrir allar hárgerðir og meðalið við líflausu/skemmdu hári.

Diamond oil inniheldur einstaka Interlock Protein Network frá Redken sem styrkir á meðan Shine Strong Complex flytur nærandi blöndur af olíum í hárið.

3x sterkara hár

3x meiri næring

2x meiri glans

3x minna brot í hári

Diamond inniheldur 3 gerðir af olíum

Kamelína olía: fyllir upp sprungur í ystalaginu og mýkir

Apríkósu olía: fer inn í kjarnann og nærir innanfrá

Kóriander Olía: Mýkir ysta lagið til að fá meiri glans

Olíurnar eru sérhönnuð blanda af silikonlausum olíum sem gerir það að verkum að þær ná alla leið inn í kjarna hársins og virkni þeirra endist lengur.

Tvær olíur hafa komið í þessari línu

Diamond oil Shatterproof shine eru fyrir fíngert/miðlungs hár

Diamond oil Shatterproof shine intense er fyrir góft hár

Olíurnar má nota á margvísilegan hátt sem dæmi :

Fyrir blástur/þurrkun: myndar vörn gegn hitatækjum, losar flækjur og mýkir

í hársvörð og hár : jafnar rakastig hársins og hársvarðar

Með maska/djúpnæringu: gefur mikinn raka

Meðferð yfir nótt: gerir við hárið meðan þú sefur

Shampo:Inniheldur olíur sem mýkir styrkir og gefur endingagóðan glans.

Næring : Leysir flækjur og eykur gláa. Olíurnar hjúpa hárið sem hindra skaða við notun hitatækja eða bursta. Verndar hárið frá því að brotna eða ofþorna.

Deep facets (Maski): Olían þrýstist inn í hárstráið til að endurgefa því líf og glans. Mýkir hárið. Inniheldur litavörn.

Nioxin – ný vörulína gegn hárlosi

Posted on June 4, 2013 by Hafdís Þorbjörnsdóttir

Nú á dögunum tókum við á Medullu inn nýja vörulínu, Nioxin, sem hefur verið leiðandi gegn hárlosi og hárþynningu. Nioxin var stofnað árið 1987 og hefur verið í stöðugri þróun síðan og mikil reynsla komin á notkun hennar. Nioxin fékk “Stylist Choice Awards” verðlaunin, 11 ár í röð, sem gefur til kynna hversu öflug varan er.

Til eru 6 mismunandi meðferðir gegn hárlosi/þynningu. Hver meðferð hefur sérstöðu í uppbyggingu hársins og er hún valin af fagmanni, fyrir hvern viðskiptavin fyrir sig. Til að sjá sem mestan árangur er byrjað á 30 daga kúr sem inniheldur sjampó, næringu og vökva sem skilinn er eftir í hárinu. Eftir þessa 30 daga og viðskiptavinur sér mun á hárinu, kemur hann og fær viðeigandi leiðbeiningar frá sínum fagmanni. Ef ekki sést árangur eftir þessa 30 daga er fullri endurgreiðslu heitið.

Könnun var gerð á meðal þeirra sem keyptu Nioxin og eftir 4 vikna notkun sáu 72% hárið þykkna, 71 % sáu þéttari hárvöxt, 79% sáu meiri fyllingu. Ef að þörf er á, er um að gera að kynna sér þessa vöru betur hjá okkur.

Fermingargreiðslur 2013

Posted on April 30, 2013 by Medulla

“Hérna eru þær greiðslur sem við höfum gert þetta árið. Fleiri myndir koma inn þegar fermingarnar eru búnar. Krullur, fléttur, snúningar er það sem er heitast, ekkert ósvipað og var í fyrra.”

From Fermingargreiðslur 2013, posted by Medulla Hársnyrtistofa on 4/30/2013 (13 items)

Generated by Facebook Photo Fetcher 2

Nýjar vörur frá Wella Professional

Posted on February 11, 2013 by Hafdís Þorbjörnsdóttir

Við höfum ekki verið með vörur frá Wella Professional en við kolféllum fyrir tveimur nýjum vörum frá þeim.

Wella Professionals Oil Reflections: Það sem gerir þessa olíu svo frábæra er að hún inniheldur E vítamín, avocado olíu og macadamiufræ olíu. Hún er gerð til að draga fram þinn náttúrulega glans og lyktin er dásamleg. Oil Reflections hentar í allar hárgerðir.

System Professionals (SP) LUX Oil: Hún er meiri viðgerðarolía en Wella Reflections olían. Hárið verður allt að 10x sterkara með henni og vörnin gegn próteini hársins (keratin) er 3x meiri en í öðrum olíum. Hárið verður mjúkt og þæginlegt að eiga við. LUX olían er létt og hentar frekar í fínt og mjög efnaunnið hár.

Sjón er sögu ríkari. Ef þið viljið prufa og kynna ykkur þetta nánar þá er um að gera að kíkja við hjá okkur á Medullu.